Puásuiääiđih (poroaidat)

Aassâmviäsui šiljoin já alda orroo puásuiääiđih ađai käärdih, main láá poccuuh, kuleh laavâ uáivildem päikkiráávhu syeje pirrâdâhân. Tain kuávluin ij lah lope jotteeđ kuávlu omâsteijee lovettáá. Meid pygálysääiđih, puásuikámpáh sehe tiätupääihih luándust, tego ovdâmerkkân poccui piemmâmsajeh, láá mađhâšemsyergi ulguupiälááš ulmui pargosajeh, kuus ij pyevti lovettáá moonnâđ ovdâmerkkân torvolâšvuotâsuujâi tiet. Eromâšávt kyeddimpaaihijd kalga rávhuiduttiđ ollásávt. Poccuuh láá priivaat omâdâh. Taid uážžu aldaniđ tuš poccuu omâsteijee luvvijn.

Jis tun koolgah meecist jotteeđ puásuiääiđi rasta, te moonâ verájáá peht já toopâ tom maajeeld, jis tot lâi kiddâ. Jis verájâš ij lah kuáhtulii määđhi keččin, te moonâ ääiđi vyele tâi moonâ loovtâ peht. Jis tun luovviih puásuiääiđi paadijd, te čana taid pyereest maasâd sajasis. Ele kuárŋu ääiđi oolâ, amas äiđi cuovkkâniđ tâi vuálániđ.