Skip to main content
Pyeri puátteevuotâ
Kuvvim: Sunna Kitti

Ovdâsvástádâslii já eettisávt kilelis sämimađhâšem sertifikaat

Ovdâsvástádâslii já eettisávt kilelis sämimađhâšem sertifikaat lii sämisiärváduv haldâšem já mieđettem virgálâš tubdâstâs sämimađhâšemtuáimei, mii tiävdá ovdâsvástádâslii já eettisávt kilelis sämimađhâšem várás ovdedum kriterij vátámâšâid. Sertifikaat čáittá, ete toimâ lii sämmilij jieijâs tuhhiittem, kunnijât sämikulttuur já -ärbivyevi sehe tuárju kulttuurlii, sosiaallii, ekonomâlii já ekologâlii killeelvuođâ já kyeddimnaavcâ.

Luuvâ lase
Jaa somessa

Sertifikaat finnim váátá:

  • págulij vuáđukriterij tevdim,
  • irâttâs tooimâ mield spesiaal- já valjimiävtulij kriterij čođâldittem
  • sertifikaat kriterijguin luámádâs, irâttâs jieijâs Sämimađhâšem ellee kulttuurenâduv vuávám (SMEKS) rähtim, mast identifisistojeh tooimâ vaikuttâsah luándun, kulttuurân já páihálâšsiärvádâhân sehe heiviittuvvoo toimâ toi killeelvuođâi já kyeddimnaavcâi mield..

Sertifikaat tuáimá:

  • puigâvuođâ já sämikulttuur tuođâlii kunnijâttem čäitten sehe páihálâšsiärváduvâi já ellee kulttuurenâduv argâpeeivi já juhle tuođâšteijee aicâdeijen já vuotânvälden,
  • lyetittetteevuođâ já kvaliteet symbolin mađhâšeijeid, mađhâšemsuárgán já oovtâstpargokuoimijd,
  • stivrimniävvun irâttâssáid, moh halijdeh ovdediđ jieijâs tooimâ ovdâsvástádâslávt.

Ovdâsvástádâslii já eettisávt kilelis sämimađhâšem kriiteerjuávkku

Sämimađhâšem ovdâsvástádâslâšvuotâsertifikaat kriiteerjuávkku tuáimá tehálâžžân pargoniävvun: ton vievâst árvuštâlloo, ete tiävdá-uv toimâ ovdâsvástádâslâšvuođâ já eettisii killeelvuođâ iävtuid. Kriiteerjuávkku vuáđuduvá virgáláid njuolgâdussáid, aalmugijkoskâsáid sopâmuššáid, sämikulttuurân lohtâseijee vuoigâdvuođáid sehe siärváduv jieijâs árvoid já vuáháduvváid. Ton tárguttâs lii stivriđ tooimâ tienuuvt, ete tot kunnijât sämmilij vuoigâdvuođâid, ärbivuáválii tiäđu já iäláttâsâid.

Ovdâsvástádâslii já eettisávt kilelis sämimađhâšem sertifikaat kriiteerjuávkku ana sistees págulijd, valjimiävtulijd já spesiaalkriiteerjuávhuid, moh hämmejeh olesvuođâ sertifisistem árvuštâllâm várás.

Uápásmiđ kriiteerjuávkku
Pyeri puátteevuotâ

Ovdâsvástádâslii já eettisávt kilelis sämimađhâšem páguliih kritereh puoh occeid

Sämimađhâšem ovdâsvástádâslâšvuotâsertifikaat kriiteerjuávkku tuáimá tehálâžžân pargoniävvun: ton vievâst árvuštâlloo, ete tiävdá-uv toimâ ovdâsvástádâslâšvuođâ já eettisii killeelvuođâ iävtuid. Kriiteerjuávkku vuáđuduvá virgáláid njuolgâdussáid, aalmugijkoskâsáid sopâmuššáid, sämikulttuurân lohtâseijee vuoigâdvuođáid sehe siärváduv jieijâs árvoid já vuáháduvváid. Ton tárguttâs lii stivriđ tooimâ tienuuvt, ete tot kunnijât sämmilij vuoigâdvuođâid, ärbivuáválii tiäđu já iäláttâsâid

Sertifikaat occeid páguliih kriiteerjuávhuh láá kuttâ já tain kritereh láá ohtsis 42:

  1. haaldâtliih kritereh
  2. sosiaallii olleemvuođâ kritereh
  3. kulttuurlii olleemvuođâ kritereh
  4. ekologâlii olleemvuođâ kritereh
  5. ekonomâlii olleemvuođâ kritereh
  6. ovdâsvástádâslii viestâdem kritereh

Irâttâs tooimâ já ton vijđesvuođâ mield págulij kriterij lasseen irâttâs olášut tárbulijd spesiaalkriiteerjuávhuid já/tâi valjimiävtulijd kriiteerjuávhuid.

Jyehi kriterân kulá kriiteer nommâ, jieš kriiteer já ravvuuh tast, maid kriiteer uáivild já maht tot olášuttoo.

Sertifikaat vievâst lii máhđulâš pajediđ oovdân ovdâsvástádâslijd já eettisávt kilelijd sämmilijd mađhâšemirâttâsâid já pyerediđ sii kištottâllâmnaavcâ. Sertifikaat iššeed meid mađhâšeijeid já mađhâšemsyergi kavnâđ sämimađhâšemirâtteijeid, moh láá puigâ já tuáimih ovdâsvástádâslávt já eettisávt kilelis vuovvijn.

Ovdâsvástádâslâš sämimađhâšem

Spesiaalkritereh

Irâttâs tooimâ mield págulij kriterij lasseen irâttâs olášut tárbulijd spesiaalkriiteerjuávhuid. Spesiaalkriteráid kuleh purrâmuš- já puásuimađhâšem. Ovdâmerkkân, jis irâttâs fáálá purrâmušpargopáájáid, sämikulttuurân vuáđuduvvee purrâmušfeeriimijd tâi ton táválii tooimân kuleh purrâmušfaalâdmeh, te tot kalga tevdiđ purrâmušmaađhâšmân lohtâseijee kriterijd. Jis vuod irâttâs fáálá ergivyejimijd tâi puásuitáálukolliimijd, tot kalga tevdiđ puásuimaađhâšmân lohtâseijee kriterijd.

Spesiaalkriiteerjuávhuh láá kyehti, main láá ohtsis 12 kriterid:

  1. purrâmuš
  2. poccuuh

Jyehi kriterân kulá kriiteer nommâ, jieš kriiteer já ravvuuh tast, maid kriiteer uáivild já maht tot olášuttoo.

Ärbivuáváliih iäláttâsah

Valjimiävtuliih kritereh

Irâttâs tooimâ já ton vijđesvuođâ mield págulij kriterij lasseen irâttâs olášut tárbulijd spesiaalkriiteerjuávhuid. Ovdâmerkkân, jis irâttâs uástá ergivyeijim- tâi puásutáálupalvâlusâid tâi purrâmušpargopáájáid nube irâtteijest, te tot kalga tevdiđ vyeliskappuuttâsân lohtâseijee kriterijd. Jis irâttâs vuod pálkkát pargeid perruu ulguubeln, kalga tot tevdiđ pargeid kyeskee kriterijd.

Valjimiävtuliih kriiteerjuávhuh láá kyehti, main kritereh láá ohtsis 8:

  1. vyeliskappuuttâs
  2. pargoviehâ

Jyehi kriterân kulá kriiteer nommâ, jieš kriiteer já ravvuuh tast, maid kriiteer uáivild já maht tot olášuttoo.

Sämitige čiččâd sämimađhâšemhaahâ, Vasan matka eli Vastuullisen saamelaismatkailun sertifikaatti: toimintamallin ja digitaalisen hakusivuston kehittäminen (Ovdâsvástádâslii sämimađhâšem sertifikaat: toimâmaali já digitaallij uuccâmsiijđoi ovdedem), lii Euroop union ruttâdem – NextGenerationEU.