Čuávvumvuáhádâh

Čuávvumvuáhádâh uáivild systemaatlii vyevi nuurrâđ, vuorkkiđ, analysistiđ já raportistiđ tiäđu tooimâ, almoon tâi uulmij ovdánmist. Ton vievâst puáhtá tarkkuđ, maht asâttum ulmeh olášuveh, aiccâđ nubástusâid, árvuštâllâđ tooimâi vaikutteijeevuođâ já tubdâđ máhđulijd čuolmâid ääigild. Čuávvumvuáhádâhân kulá tijpâlávt merikoskâsâš já lyetittettee tiäđunuurrâm, soppum mittáreh (indikaattoreh), analyys já viärdádâllâm, raportistem já meritiätulâš jotkuuvâšvuotâ. Ton vievâst ráhtoo vuáđu miärádâstohâmân já tooimâ oovdedmân.

Čuávvumvuáhádâh, mii kulá ovdâsvástádâslii sämimađhâšem sertifikaatân já Sämimađhâšem ellee kulttuurenâduv vuáváámân (SMEKS), lii pargoniävvu, moin árvuštâllojeh mađhâšemtooimâ vaikuttâsah kulttuurân, pirrâsân, siärvádâhân já ekonomian. Vuáhádâh puáhtá anneeđ sistees mittárijd ovdâmerkkân kulttuuräärbi siäilumist, siärváduv uásálistitmist, mađhâšeijeemeerijn já toi haaldâšmist tiätu kuávluin já tiätu aaigij (eromâšávt hot spot-kuávluin ađai hästee kuávluin válduseesoong ääigi), pirâsvaikuttâsâin já páihálâšsiärváduv finnim ekonomâlii hiäđust. Tot vuáđuduvá luávdee já maaŋgâpiälásii tiäđunurâmân, čoođâčyevvee tiäđuloonootmân sehe savâstâlmân kulttuur haldâšeijeiguin tienuuvt, ete sii uáinuh já hárjánem váldojeh vuotân eettisávt kilelis vuovvijn. Čuávvumvuáháduv vievâst visásmittoo, ete mađhâšem tuárju ellee kulttuurenâduv siäilum, oovded siärváduv pyereestvaijeem já taha máhđulâžžân táárbu mield tivvojeijee tooimâid, jis mađhâšem kuormim mana kulttuurlij, sosiaallij, ekologâlij tâi ekonomâlij kyeddimnaavcâi paijeel – meid poojijn, ovdâmerkkân uánihis mutâ intensiivlij sesongij ääigi, kuás motomeh čuásáttuvah pyehtih kyermejuđ eromâš korrâsávt.