Skip to main content
Buorre boahtteáigi
Govat: Sunna Kitti

Vásttolaš ja ehtalaččat suvdilis sámemátkeealáhusa sertifikáhta

Vásttolaš ja ehtalaččat suvdilis sámemátkeealáhusa sertifikáhta lea sámeservoša hálddašan ja mieđihan virggálaš dovddastus sámemátkeealáhusdoaibmái, guhte deavdá vásttolaš ja ehtalaččat suvdilis sámemátkeealáhusa várás ovddiduvvon kritearajoavkku gáibádusaid. Sertifikáhta čájeha, ahte sámit leat ieža dohkkehan doaimma, dat atná árvvus sámekultuvrra ja -árbbi ja maid doarju kultuvrralaš, sosiálalaš, ekonomalaš ja ekologalaš suvdilvuođa ja guoddinnávcca.

Loga lasi
Juoge sosiála medias

Sertifikáhta oažžuma eaktun leat:

  • bákkolaš vuođđokritearaid dievvan,
  • fitnodaga doaimma luonddu mielde sierra- ja válljenvuloš kritearaid čađaheapmi
  • sertifikáhta kritearajoavkkuin ovttastuvvi, fitnodaga iežas Sámemátkeealáhusa ealli kulturduovdaga plána (SMEKS) ráhkadeapmi, mas dovdojuvvo doaimma váikkuhusat lundui, kultuvrii ja báikkálašservošii ja maid heivehuvvo doaibma daid suvdilvuođaid ja guoddinnávccaid mielde.

Sertifikáhta doaibmá:

  • eaktivuođa ja sámekultuvrra oppalaš gudnejahttima čujuheaddjin ja báikkálašservošiid ja ealli kulturduovdaga árgga ja ávvudeami duođašteaddji áicin ja vuhtiiváldin,
  • luohtehahttivuođa ja kvalitehta symbolan mátkkálaččaide, mátkeealáhussuorgái ja ovttasbargoguimmiide,
  • bagadanreaidun fitnodagaide, mat háliidit ovddidit iežaset doaimma vásttolaččat.

Vásttolaš ja ehtalaččat suvdilis sámemátkeealáhusa kritearajoavku

Sámemátkeealáhusa vásttolašvuođasertifikáhta kritearajoavku doaibmá guovddáš bargoreaidun: dan vuođul árvvoštallo, deavdágo doaibma vásttolašvuođa ja ehtalaš suvdilvuođa eavttuid. Kritearajoavku vuođđuduvvá virggálaš njuolggadusaide, riikkaidgaskasaš soahpamušaide, sámekultuvrii gullevaš vuoigatvuođaide ja maid servoša iežas árvvuide ja geavadagaide. Dan ulbmilin lea stivret doaimma dan láhkai, ahte dat gudnejahttá sápmelaččaid vuoigatvuođaid, árbevirolaš dieđu ja ealáhusaid.

Vásttolaš ja ehtalaččat suvdilis sámemátkeealáhusa sertifikáhta kritearajoavku sisttisdoallá bákkolaš, válljenvuloš ja sierrakritearajoavkkuid, mat hábmejit ollisvuođa sertifiserema árvvoštallama várás.

Oahpásmuva kritearaide
Buorre boahtteáigi

Vásttolaš ja ehtalaččat suvdilis sámemátkeealáhusa bákkolaš kritearat buohkaide ohcciide

Sámemátkeealáhusa vásttolašvuođasertifikáhta kritearajoavku doaibmá guovddáš bargoreaidun: dan vuođul árvvoštallo, deavdágo doaibma vásttolašvuođa ja ehtalaš suvdilvuođa eavttuid. Kritearajoavku vuođđuduvvá virggálaš njuolggadusaide, riikkaidgaskasaš soahpamušaide, sámekultuvrii gullevaš vuoigatvuođaide ja maid servoša iežas árvvuide ja geavadagaide. Dan ulbmilin lea stivret doaimma dan láhkai, ahte dat gudnejahttá sápmelaččaid vuoigatvuođaid, árbevirolaš dieđu ja ealáhusaid.

Sertifikáhta ohcciide bákkolaš kritearajoavkkut leat guhtta ja dain kritearat leat oktiibuot 42:

  1. hálddahuslaš kritearat
  2. sosiála ollilvuođa kritearat
  3. kultuvrralaš ollilvuođa kritearat
  4. ekologalaš ollilvuođa kritearat
  5. ekonomalaš ollilvuođa kritearat
  6. vásttolaš gulahallama kritearat

Fitnodaga doaimma ja dan viidodaga mielde bákkolaš kritearaid lassin fitnodat čađaha dárbbašlaš sierrakritearajoavkkuid ja/dahje válljenvuloš kritearajoavkkuid.

Juohke kriterii gullet kriteara namma, ieš kriteara ja ráva das, maid kriteara oaivvilda ja mo dat ollašuhtto.

Sertifikáhta vuođul lea vejolašvuohta loktet ovdan vásttolaš ja ehtalaččat suvdilis sápmelaš mátkeealáhusfitnodagaid ja buoridit sin gilvalannávccaid. Sertifikáhta veahkeha maiddái mátkkálaččaid ja mátkeealáhussuorggi dovdat eakti, vásttolaččat ja ehtalaččat suvdilis doaibmi sámemátkeealáhusfitnodatdolliid.

Vásttolaš sámi turisma

Sierrakritearat

Fitnodaga doaimma mielde bákkolaš kritearaid lassin fitnodat čađaha dárbbašlaš sierrakritearajoavkkuid. Sierrakritearajoavkkuide gullet borramuš- ja boazomátkeealáhus. Ovdamearkan, jos fitnodat fállá borramušbargobájiid, sámekultuvrii vuođđuduvvi borramušvásáhusaid dahje dan váldodoibmii gullet borramušguossoheamit, galgá dat deavdit borramušmátkeealáhusa kritearaid. Jos fas fitnodat fállá heargevuodjimiid dahje boazodállogalledemiid, galgá dat deavdit boazomátkeealáhusa kritearaid.

Sierrakritearajoavkkut leat guokte, main leat oktiibuot 12 kriteara:

  1. borramuš
  2. bohccot

Juohke kriterii gullet kriteara namma, ieš kriteara ja ráva das, maid kriteara oaivvilda ja mo dat ollašuhtto.

Árbevirolaš ealáhusat

Válljenvuloš kritearat

Fitnodaga doaimma ja dan viidodaga mielde bákkolaš kritearaid lassin fitnodat čađaha dárbbašlaš válljenvuloš kritearajoavkkuid. Ovdamearkan, jos fitnodat oastá heargevuodjin- dahje boazodállobálvalusaid dahje borramušbargobájiid nuppi fitnodatdoallis, galgá dat deavdit vuolleháhkama kritearaid. Jos fitnodat fas bálkáha olggobealat bargiid, galgá dat deavdit bargiid guoski kritearaid.

Válljenvuloš kritearajoavkkut leat guokte, main kritearat leat oktiibuot 8:

  1. vuolleháhkan
  2. bargit

Juohke kriterii gullet kriteara namma, ieš kriteara ja ráva das, maid kriteara oaivvilda ja mo dat ollašuhtto.

Sámedikki čihččet sámemátkeealáhusprošeavtta, Vasan matka eli Vastuullisen saamelaismatkailun sertifikaatti: toimintamallin ja digitaalisen hakusivuston kehittäminen, lea Eurohpa uniovdna ruhtadan – NextGenerationEU.