Sierrakritearat

Borramuš gullá mearkkašahttiláhkai mátkeealáhusbálvalusaide ja borramušvásáhusat leat áššehasaide mátkevásáhusas dehálaččat. Borramušbuvtta lea vuohki muitalit gussiide sámekultuvrras. Erenomáš dehálaš lea vuhtiiváldit ja dárbbu mielde vuoruhit servoša lahtuid borramušsihkkarvuođa doarváivuođa ja olahahttivuođa. Ovttasbargu borramušmátkeealáhusas galgá leat ávkin buot oassebeliide. Buorre borramušbuvtta lasiha olles mátkeealáhusguovllu geasuheaddjivuođa ja lea vuogas vuohki lasihit kultursisdoalu dán beaivválaš aktivitehtii. Borramušjávkama galgá doallat nu unnin go vejolaš.

Boazu gullá sámekultuvrra dehálaš čiehkageđggiide ja maid dehálamos mátkeealáhusa geasuheaddjiide sámiid ruovttuguovllus ja olles boazodoalloguovllus. Boazomátkeealáhussii rehkenastojuvvojit boazodállo- ja eallogalledeamit, hearggit ja noađđehearggit. Boazomátkeealáhusa vuolggasadjin galgá leat bohcco buresveadjin. Boazu mátkeealáhusbargin dárbbaša doarvái vuoiŋŋasteami ja ráfi galledeaddjiin. Mátkeealáhusbohcco gieđahalli galgá leat hárjánan bohccuide ja daid dikšumii.