Vaʹlljeemvuâlaž kriteeʹr

Põõrǥâs čõnnââtt tuejjeed õhttsažtuâj vaʹstteemvuõđlaž da eettlânji ǩeâllʼjeei vueʹllhaʹŋǩǩeeʹjivuiʹm. Vueʹllhaʹŋǩǩeei âʹlǧǧe iʹlmmted juʹn taʹrjjeempoodd, jos vueʹss vueʹllhaʹŋǩǩeei ouddsi da/leʹbe kääzzkõõzzi puuʹtʼtummšest lij uvddum tuejjeemnalla kuälmad vueʹsspeälla. Väʹlddvaʹsttummuš haʹŋǩǩummši vaʹstteemvuõđâst da eettlaž ǩeâllʼjemvuõđâst lij haʹŋǩǩummuž tiʹllʼjeei põrggsest.

Tuâjjlažkååʹddest lij tääʹrǩes rool põrggâz äʹššniiʹǩǩivuiʹm kaaunõõttmõõžžâst da tuõtt sääʹmteâđ liâvtummšest. Põrggâz tuâjjlažkåʹdden looǥǥât piârpõrggâz åålǥpeällsaž, põrggsa paʹlǩǩuum oummuid (ml. tuâjastmättjeei). Pukid tuâjjlažkååʹddest âlgg jäʹrjsted obbväʹlddsaž tuõjju harjjnâttmõš (ml. čiŋŋlânji harjjnummuš põrggâz toiʹmmjemvuâđđjurddjid di põrggâz vaaiktemvuuʹd jieʹlli kulttuurkueʹstlma da tõn jiiʹjjesnallšemvuõđid da -taarbid). Põrggâz âlgg čõnnâʹtted pukid tuâjjlažkååʹddest väʹldded lokku da suõjjled põrggâz toiʹmmjempirrõõzzâst jieʹlli kulttuurkueʹsteeʹlm pukid tõn jälsteeʹjid mieʹldd looǥǥeeʹl.