Sääʹmturismm

Sääʹmturiism fiʹttjet turismmân, koʹst sääʹmkulttuur viõkkvääraid äuʹǩǩeeʹl puuʹtʼtet maatkčemkääzzkõõzzid da taʹrjjeet tõiʹd jäärnaǩtååimlaž vuâđđõõllmõõžživuiʹm. Sääʹmturiism õõlǥči leeʹd sääʹmvuõʹtte vuâđđõõvvi turismm, koʹst sääʹmtoiʹmmjeei tuejjee turismmjieʹllemvueʹjj harjjteeʹjen. Aainâs Lappist puätt še õuʹdde sääʹmvuõđ äuʹǩǩen õõʹnni turismm, koʹst sääʹmõutstõõzz åålǥbeäʹlnn pueʹtti turismmjieʹllemvueʹjj harjjteei da jeärraz turismmtoiʹmmjeei äuʹǩǩee da äuʹǩǩen âʹnne sääʹmkulttuuʹre kuulli leʹbe tõn årra viiʹttjeei elemeeʹntid turismmkääzzkõõzzin õhttvuõđtaa jiõčč sääʹmõutstõʹsse. Täujja sääʹmvuõđ äuʹǩǩen õõʹnni turismm lij säʹmmlaid neeuʹrteei, mis- da disinformaatio liâvteei stereotypiai nâânummuž säʹmmlai jiiʹjjes jiõntaa da vuäinnmõõžžtaa.