Sääʹmpihtts

Sääʹmkulttuur lij obbvuõđstes samai reeʹǧǧes da määŋghämmsaž, mõõn õhttân tääʹrǩes identiteeʹtt sueiʹmkrõʹsttjen lie sääʹmpihttâz. Sääʹmpihttsin lij samai jõnn miârktõs sääʹmkulttuurâst. Sääʹmpihttsi âânnmõõžžâst lie ǩeeʹrjteǩani vuâkkõõzz, koid säʹmmla jääʹǩǩte. Jeäʹrben sääʹmvuõđ äuʹǩǩenõõʹnni maatkčummšest sääʹmvuõđ ouddsen tuejjummuš da ouʹdde pohttmõš kuâsttje täujja sääʹmpihttsen leʹbe sääʹmpihttsinallšem pihttsen, kooi veäkka maatkčemouddsest leät põrggâm tuejjeed ”sääʹm”, leäǥǥas kõõččmõš mainnsin leʹbe jeeʹres maatkčemkääzzkõõzzin. Sääʹmpihttsest lij šõddâm sääʹm-maatkčummuž vuõss-sâjjsaž identiteeʹtt ouʹdde puʹhtti. Sääʹmvuõđ äuʹǩǩenõõʹnni maatkčummšest sääʹmpihttsi seʹst ââʹnnem kulttuurlaž koodid da miârktõõzzid leät kuuitâǥ väjldâttam leʹbe kuâđđam lokku vääʹldǩani da tõin leät tuejjääm kuâras roolpihttsid siõltää. Turismmindustriast åålǥpeällsa säʹmmla jie ââʹn sääʹmpihttâz turiism diõtt. Sääʹmpihttâz seʹst lij ooumaž. Jeäʹl ââʹn oummuid mâʹte käuʹnnen peʹce ciʹstte sij privattvuõđ.