Sääʹm luâttkõskkvuõtt

Sääʹm fiʹttõsmaaiʹlmest jeät oummu, luâđ da ǩiõl jeärtuku nuuʹbbineez. Sääʹnn Sääʹmm miârkkšââvv Sääʹmjânnam lââʹssen še säʹmmla ooumžen da Sääʹm meer di sääʹmǩiõl. Sääʹmǩiõll sueiʹmkrâstt pirrõõtti jieʹlli da jaamm luâđ vuâđlaž da tääʹrǩes tobddmõõžž di oummu da luâđ kõskksaž õõldâs- da tärkka jerruum vuârrvaaiktõõzz. Luâttpirrõs, kulttuurpirrõs, sosiaalʼlaž pirrõs di ǩiõlʼlaž pirrõs tuejjee obbvuõđ, pirrõsfiʹttõõzz, koon âlgg täʹrǩstõõllâd õhttân obbvuõttân tõn diõtt, ko tõk lie čõnnum nuuʹbbeez. Säʹmmlai jieʹllemnääʹll lij šiõttlõõvvâm luâttpirrõõzz uʹvddem vueiʹttemvuõđid da rajjtõõzzid.Säʹmmlaid da sij äʹrbbvuõđlaž jieʹllemvuõʹjji harjjtummša jieʹllem-mäinn lij leämmaž čõõđ aaiʹji luâđ ǩeâllʼjeei âânnmõš. Luâtt da mädd lie leämmaž säʹmmlai jeäʹlteei.