Sääʹmǩiõtt-tuâj

Õhtt sääʹm äʹrbbvuõđlaž jieʹllemvuõʹjjin lij sääʹmǩiõtt-tuâj. Sääʹmǩiõtt-tuâjj lij tâʹvvsääʹmǩiõʹlle duodji, aanarsääʹmǩiõʹlle tyeji da nuõrttsääʹmǩiõlle tuejj. Äʹrbbvuõđ mieʹldd sääʹmǩiõtt-tuâjj lij rajjum arggpeeiʹv taarbid mâʹte pihttâz da käʹmme da jeeʹres piiutâskooska di võnnâz, ǩeʹrrez, ǩiõtkkâm leʹbe päʹǩǩ-koopp. Sääʹmǩiõtt-tuâjai valmštummša lie puättam ođđ tuâjjnääʹl da mõõntõõllmõõžž, leša täi ođđ mõõntõõllmõõžži vuâđđan lie äʹrbbvuõđâst õnnum nääʹl da äʹrbbvuõđlaž teâttmõš. Sääʹmǩiõlâst puõccuid, puõccu čueʹrvid, luõttu da sääʹmǩiõtt-tuâjaid da ǩiõtt-tuâjjmõõntõõllmõõžžid kooll jiiʹjjes-i terminologia, koʹst tåʹlǩ vueʹss lij serddjam lääʹdd ǩiõʹlle. Äʹrbbvuõđlaž teâttmõõžž, silttummuž da ǩiõl luâđlaž serddmõš puõlvvõõǥǥâst nobba õõlǥat nuõrab puõlvvõõǥǥ aktiivlaž da õinn juätkkjeei vuässõõttmõõžž ǩiõtt-tuâjaid õõutsââʹjest puärrsab puõlvvõõǥǥin.