Puäʒʒhåidd

Äʹrbbvuõđlaž sääʹmjieʹllemvuõʹjjin puäʒʒhåidd õinn-i toiʹmmai õhttân sääʹmkulttuur miârkteei vuâđain. Puäʒʒhåidd taʹrjjad čårrpaaiʹǩin jälstem õuʹdde samai kaallšõs reâuggvuäǯǯamvueiʹttemvuõđid. Tõt lij še kulttuursânji vääžnai ǩiõllareena da taʹrjjad aunnsid jeeʹrab mieʹldd pihttsid, ǩiõtt-tuâjaid da porrmõškulttuuʹre.

Puäʒʒvuäʹmstummuš, puäʒʒooumažtääid juʹn-ba muânn puõccu šõõddte piârvuäzzlaid sosiaalʼlaž sââʹj sääʹm õutstõõzzâst. Õuddmiârkkân puõccui jieʹllempooddid ǩiõʹččeš ââlda pirr eeʹjj, puõccui piʹrǧǧummšest õʹnneš huõl da puõccuin vuåǯǯum puuʹtʼtõõzzid õʹnneš tärkka. Äʹrbbvuõđlaž puäʒʒhåiddamtuâjaid, puäʒʒhåiddamtuâjain puõccui suõjjlummša, noorrma pikalõsääidaid, ääidai raajjâm da tuõʹllʼjem vääras, äʹhttma, ääldai kueʹddma da mieʹrǩǩummša dnõ. taarbšeš tuejjoummid. Näkam ääʹšš leʹjje vuâđđan tõõzz, što sääʹm puäʒʒpiâr lij nääʹles peäʹlnn leämmaž da õinn lij jõnnpiâr.