Puäʒʒääid

Jälstempõõrti šeelljain da samai ââlda åårrai puäʒʒääid leʹbe nåkam ääid, koin lie puõccu, koʹlle lääʹjjest jurddum põrtträäuh suõj sizz. Täin vuuʹdin ij leäkku lååʹpp liikkeed vuuʹd vuäʹmsteei lååʹvtaa. Nuʹtt še pikalõsääid, puäʒʒǩeâmp di tiõttum pääiʹǩ luâđast, mâʹte õuddmiârkkân puõccui poortempääiʹǩ, lie jeärrsi ko turiismâst tuejjeei oummui tuâjjpääiʹǩ, koozz ij vueiʹt lååʹvtaa mõõnnâd jeeʹrab mieʹldd reâuggstaanvuõttmääinai diõtt. Aainâs kueʹddempääiʹǩ âʹlǧǧe kueʹđđed vooʹps raauhu. Puõccu koʹlle vuäʹmsteeʹji jällmõʹšše. Tõiʹd vuäǯǯ âlddned tåʹlǩ puäʒʒvuäʹmsteei looʹvin.

Jos tuʹst taarbaš mieʹccest jååʹtted puäʒʒääid čõõđ, mõõn čuâlluus mieʹldd da kääʹtt čuâlluus, jos tõt leäi ǩidd. Jos čuâlluhss ij leäkku toolkvaž määʹtǩ tueʹǩǩen, mõõn vueʹll ääiʹd. Jos čååuʹdak puäʒʒääid nuõʹrid, čõõn tõid kuddnalla mååust. Jeäʹl kuärŋ pâʹjjel ääid, što äidd ij muårru leʹbe tanccu.