Pieʹnni ǩiddtuõʹllʼjummuš

Säʹmmlai dommvuuʹdest siâzztõõlât tuõʹllʼjed trooʹcǩid pâi ǩidd da mieʹcstummšest ââʹnned tåʹlǩ puäʒʒluõvâs pieʹnnid. Mieʹcstemlääʹjj 51 § mieʹldd piânnʼjid âlgg tuõʹllʼjed ǩidd 1.3.–19.8. kõskksaž ääiʹj, što luâttjieʹllʼjid staanât kueʹddemrääuh. Mieʹcstemlääʹjj 53 § šiõtteet še piânnʼji ǩiddtuõʹllʼjummšest jeeʹres sââʹjest ko jiiʹjjes vuäʹmstem vuuʹdest: ”Mäddvuäʹmsteei leʹbe mieʹcstemvuõiggâdvuõđ vaaldšeei lååʹvtaa pieʹnne ij vuäǯǯ ââʹnned luõvâs nuuʹbb vuuʹdest”. Tät mââibuž paragraff lij še viõǥǥâst õõudpeäʹlnn peäggtum ǩiddtuõʹllʼjemääiʹj åålǥbeäʹlnn. Luâttsuõjjlemvuuʹdin še lij viõǥǥâst pirrekksaž Pieʹnnei ǩiddtuõʹllʼjem õõlǥtõs. Tääʹrǩab pieʹnni ǩiddtuõʹllʼjem rajjõõzz da čoʹrstõõǥǥ čõkkpaaiʹǩi åålǥbeäʹlnn käunnʼje mieʹcstemlääʹjjest. Pieʹnni ǩiddtuõʹllʼjummšâ ǩeeʹrjuum paragraaf käunnʼje še puäʒʒhåiddlääʹjjest (42 § puõccui põõltõõllmõõžž cõggmõš) järjstõslääʹjjest (14 § piânnaijäʹrjstõs) di reäkkõslääʹjjest (15 §).