Lääʹǩǩšiõttummuš

Turiistâst lij pueʹrr muʹštted, što son ij leäkku kâskka kuõskteʹmes poostaijânnam, koʹst jie leäkku ni mõõk oummu toiʹmmjummuž leʹbe tõn rajjteei lääʹjj. Säʹmmlai dommvuuʹdest lie viõǥǥâst seämma lääʹjj da pueʹrr vueʹjj ko jeeʹres sââʹjest Lääʹddjânnmest čårrneeʹl nuʹtt, što tââʹvmõs Lääʹddjânnmest lij veâl spesiaal-lääʹǩǩšiõttummuš, kååʹtt âlgg väʹldded lokku liikkeʹmen veiddsõs jânnmin, koid måtam âʹnne jouddlõsân, koonn oummu ǩiõtt ij leäkku liikktõõllâm leʹbe koonn oummu čâʹlmm ij leäkku vuäinnam. Â-ma tobdstõõđak juʹn õuddǩiõʹtte säʹmmlai dommvuuʹd kuõskki lääʹǩǩšiõttummša. Tääʹrǩes lääʹjj lie jm. puäʒʒhåiddlääʹǩǩ, luâttsuõjjlemlääʹǩǩ, tuâlʼjõžmošttlääʹǩǩ, pirrõs-suõjjlemlääʹǩǩ, kueʹllšeeʹllemlääʹǩǩ (spesiaalšiõttõõzz vooudlânji), mieʹcstemlääʹǩǩ, poostaijânnamlääʹǩǩ da luâttjåådlõklääʹǩǩ.