Jieʹlli kulttuur

Jieʹlli kulttuur jeäll ääiʹjest da pääiʹǩest šiõttlõõveeʹl ânnʼjõžääiʹj aauʹǩid da vaʹǯǯtõõzzid. Sääʹmkulttuurâst ij vueiʹt jerreed pirreei luâđ leʹbe sääʹm jieʹlli kulttuurkueʹstelm, tõn âânnmõõžž, sääʹmǩiõl, äʹrbbvuõđlaž jieʹllemvuõʹjjid leʹbe jeeʹres kulttuurõõlmtõõzzid kueiʹmsteez peʹce tõin õhttân šâdd rääʹtǩteʹmes obbvuõtt, koʹst puk vueʹzz õhttne da lie vuârrvaaiktõõzzâst nuuʹbbeez. Jos õuddmiârkkân õhtt vueʹzzin jäukk leʹbe tõn toiʹmmjemvuʹvdd rajjtââvv,  teâttje täk vaaiktõõzz tâʹlles nuuʹbb åʹrnn. Nuʹtt veʹt sääʹmkulttuur meäʹrtelm lij juõʹǩǩnalla takai õnnum kulttuurmeärteeʹlmid jiânnai veiddsab da määŋgšäiggsab. Vasttõsvuõđlaž turistt âânn ciistâst da väldd lokku pääiklažõutstõõzzi aarǥ da juuʹhl vääʹldeeʹl oummuid ooumžen, ij mâʹte ouddsen. Vasttõsvuõđlaž turistt oudd kulttuur vaaldšeeʹji harjjted kulttuurâs turiismâst šõddi heâmmõstuejjeeʹjitaa da âânn ciistâst pääiklaž oummi jiiʹjjes jieʹllem. Tät ooʹnnast jm. tobdstõõđeeʹl õuddǩiõʹtte mäʹtǩǩpääiʹǩ jiiʹjjesnallšemvuõʹtte äuʹǩǩeeʹl oskkum teâttkääivaid.