Ekolooglaž ǩeâllʼjemvuõtt

Ekolooglaž ǩeâllʼjemvuõtt lij õhtt maatkčummša õhttneei ǩeâllʼjeei ouddnummuž vuâđđǩieʹđjin jeäʹrben teʹl,ko maatkčummuš vuâđđââvv ravvsânji luõttu da luâttväärai äuʹǩǩummša. Ekolooglânji ǩeâllʼjeei turiismâst luâđ äuʹǩǩeei turismmkääzzkõõzzi čõõđtummuž âlgg šõddâd pirrõʹsse ǩeʹnnvânji, seeilteeʹl luâđ määŋghämmsažvuõđ turiismâst šõddi ooʹccmõõzz meâldlaž vaaiktõõzzin da muttsin. Vaʹstteemvuõđlânji luâđast liikkeei turiist jie kueʹđ liikkummšest miârkid. Vaʹstteemvuõđlaž turiisti ǩieʹjj kuâđđje moʹštte leʹbe mošttkoort sizz. Kamerast åårrai mošttǩieʹjj lie šõddâm luâđast jieʹllʼjid heâmmeeǩâni, suõʹrǧǧteǩâni leʹbe tuššeeǩâni.