Dommtarbb

Dommtarbb miârkkšââvv luâttväärai, mâʹte kueʹl, šilli, muõʹrji, šââddai, muõr leʹbe jeeʹres aunnsi, âânnmõõžž vuõss-sââʹjest jiiʹjjes taʹrbbe kaauplaž täävtõõzztaa.

Sääʹmkulttuurâst dommtarbbâânnmõš kooll nânnsânji äʹrbbvuõđlaž jieʹllemvuõʹjjid da jieʹllemnälla, koʹst luâttvääraid äuʹǩǩeet ǩeâllʼjeeinalla eeʹjjpooddi jårrõõzz vueʹssen da õõutstõõzz jiõččväärrvuõđâst. Dommtarbbâânnmõõžž vuâđđjurddjid kooll, što šilli leʹbe vuåǯǯum aunnsid ââʹnet vuõss-sââʹjest jiiʹjjes porrmõšhuõllu, ǩiõtt-tuâjaid leʹbe dommtääl jeeʹres taʹrbbe, da što âânnmõš lij šiõttuum luâđ ođsmem- da ǩeâllʼjemvuõʹtte. Dommtarbbšeellmõš da -uussmõš da noorrmõš vuäiʹtte kuõskkâd õuddmiârkkân puõccuvueʹǯǯ, kueʹl, meäccstummuž, mueʹrjstummuž leʹbe noorrmõõžž (jm. lõsttreeʹss, kaammisueiʹn). Dommtaʹrbbe vuâđđõõvvi luâttväärai âânnmõš lij sääʹmõutstõõzz juõʹǩǩpeivvsaž jieʹllmest vueʹssen. Dommtaarb kulttuursaž õhttvuõđ õuʹddepohttmõš tueʹrjjad vaʹstteemvuõđlaž da eettlânji ǩeâllʼjeei âânnmõõžž da luâđ jårrõõzz ciʹsttjummuž, da nâânad õhttvuõđ pääiklaž jieʹllemnälla.

Vasttõsvuõđlaž maatkčeei da vaʹstteemvuõđlaž di eettlânji ǩeâllʼjeei turismmpõõrǥâsneǩ leʹbe -toiʹmmjeei âânn ciistâst dommtaarb kulttuurlaž vääžnaivuõđ. Son väldd lokku šiilmeäʹrest eettlânji ǩeâllʼjeei nääʹl toiʹmmjed: šeeʹlled da noorrâd toolkvânji tåʹlǩ jiiʹjjes taʹrbbe.