Äʹrbbvuõđlaž teâtt

Sääʹm luâđ määŋglaaǥǥanvuõʹtte kuulli äʹrbbvuõđlaž teâtt puätt õlmmsa sääʹm luâttâânnmõõžžâst da sääʹm äʹrbbvuõđlaž jieʹllemvuõʹjji harjjtummšest mii miârkkšââvv puäʒʒhååid, kueʹllšeellmõõžž, mieʹcstummuž, uussmõõžž da noorrmõõžž da ǩiõtt-tuâjaid di luâttkõskkvuõđ. Teâtt jåått sääʹmǩiõl luõttu, jânnma, šõʹŋŋe, puäʒʒhoiddu, ǩiõtt-tuâjaid, šeellmõʹšše da kueʹllšeeʹllma kuulli terminologiast di sääʹmǩiõllsain päiʹǩǩnõõmin. Äʹrbbvuõđlaž teâđ seeʹrdet teâđstum mättʼtem, puärrsab puõlvvõõǥǥin vuåǯǯum maall, juõiggji da njäälmlaž mušttlemääʹrb mieʹldd di puäʒʒhåidd-, kueʹllšeeʹllem-, uussâm-, noorrâm-, ǩiõtt-tuâjj- da mieʹcstemvuõʹjjin.