Vuáhádume (sopeutuminen)

Sämmiliih iä lah viggâm mutteđ luándu, peic sij láá vuáhádum toos. Sämmiláid já sii ärbivuáválâš iäláttâsâi háárjutmân eellimiähtu lii lamaš ain luándu kilelis kevttim, luándu já eennâm láá lamaš sämmilij eletteijeeh.  Sämmilij eellimvyehi lii vuáhádum luándupirrâs adelem máhđulâšvuođáid já raijiittâssáid tuháttij iivij ääigi. Sämmilij eellimvyehi, kulttuur já ärbivuáváliih iäláttâsah láá muttum ärbivuáválii tiäđu já tááiđu vuáđuld pargovuovij já pargoniävui ovdánem mield já ko sämmilij ohtsâškodáliih vaiguttemmáhđulâšvuođah láá muttum ääigi mield. Sämikulttuur siäilum já ovdánem váátá tááláá ääigi-uv ärbivuáválij tiäđui já tááiđui, sehe jiegâlâš uáiviomâduv sirdâšum puátteid suhâpuolváid.